2020 жылға дейін облыста екі автобекет салынады. Мұны Маңғыстау облыстық жолаушылар көлігі және автомобиль жолдары басқармасы басшысының орынбасары Тұрбек Спанов мәлімдеді, деп хабарлайды NewTimes.kz.
Сондай-ақ, 1 автовокзал, жолаушыларға қызмет көрсететін 14 бекет пен 22 такси тұрағы да тұрғызылады. Биыл аймақтағы автомобиль жолдарының құрылысына және қайта жаңарту жұмысына 1 милиард 83 милион теңге бөлінген. Бұл қаржыға «Қияқты-Тұщықұдық», «Ақтау-Қаламқас» және «Таушық-Шетпе», «Сыңғырлау-Сам-Ноғайты-Тұрыш» автомобиль жолдары жөнделеді. Оның екеуінің қаржысы республикалық бюджеттің еншісінде.
«Республикалық трансфертке салынуға 2 нысан таңдап алынып отыр. Біріншісі «Қияқты-Тұщықұдық» автомобиль жол. Оның 23 шақырымы графильді жол. Екіншісі нысан ол Ақтау-Таушық бағытындағы жолдың су өткізбейтін құрылымдары», — дейді Маңғыстау облыстық жолаушылар көлігі және автомобиль жолдары басқармасы басшысының орынбасары Тұрбек Спанов.
