+7 (7172) 79 78 20

Написать нам в WhatsApp: +7 (700) 402 32 92
13.04.2018 в 18:43

Бақытжан Сағынтаев Атырау облысының кәсіпкерлерімен өңірді дамытудың өзекті мәселелерін талқылады

Бүгін ҚР премьер-министрі Бақытжан Сағынтаев жұмыс сапары аясында Атырау облысының активімен және бизнес қауымдастығымен өңірді әлеуметтік-экономикалық дамыту мәселелерін талқылады.

Кездесуде Қазақстанның үшінші жаңғыруын іске асыру барысы мен облыстың экономикалық өсімнің жаңа моделін қалыптастырудағы рөлі талқыланды. Жиын барысында облыс әкімі Н.Ноғаевтың жобалық басқару аясында өңірдің әлеуметтік-экономикалық дамуының мақсатты көрсеткіштеріне қол жеткізу туралы есебі тыңдалды. Сондай-ақ, отын-энергетика және агроөнеркәсіп кешендерін дамытудың, білім беру мен денсаулық сақтауды жаңғыртудың, технологиялық жаңғырту мен «Индустрия 4.0» шараларын жүргізудің, инвестициялар тарту мен өндірістік жұмыспен қамтудың негізгі бағыттары қаралды.

Сонымен қатар, инвестициялар және даму министрі Ж. Қасымбек, энергетика министрі Қ. Бозымбаев, еңбек және халықты әлеуметтік қорғау министрі М. Әбілқасымова, білім және ғылым министрі Е. Сағадиев түсініктеме беріп өтті. «Атамекен» ҰКП басқарма төрағасы А. Мырзахметов бизнесті дамытудың өзекті мәселелері туралы баяндады.

Бейне-конференц байланыс жүйесі арқылы талқыланған мәселелерге премьер-министрдің орынбасары Е. Досаев, денсаулық сақтау министрі Е. Біртанов, қаржы министрі Б. Сұлтанов, ұлттық экономика министрі Т. Сүлейменов, ауыл шаруашылығы вице-министрі Г. Исаева, ақпарат және коммуникациялар вице-министрі Д. Тұяқов, мәдениет және спорт вице-министрі Е. Қожағапанов пікір білдірді. Спикерлер өз сөздерінде өңірдің экономикалық өсімінің қорын, әкімдік пен Үкіметтің бірлесіп атқаратын жұмысының басымдықты бағыттары мен міндеттерін белгіледі.

Мәселені талқылау қорытындысы бойынша Бақытжан Сағынтаев инвестицияларды тарту, сервистік экономиканы, экономиканың жаңа салаларын дамыту жұмыстарын жүргізудің маңыздылығын атап өтті, сондай-ақ Үкімет пен әкімдіктердің жаңа технологиялық революцияға дайын болуының маңыздылығын атап өтті.

Еске сала кетейік, бүгін ҚР мремьер-министрі мемлекет басшысының тапсырмасы бойынша жұмыс сапарымен Атырау облысына келді. Бұған дейін Бақытжан Сағынтаев жұмыс сапарларымен Оңтүстік Қазақстан және Қызылорда облыстарында болып қайтты.


Редакция

Новости Казахстана

Полное воспроизведение или частичное цитирование материалов агентства допускаются только при наличии в первом абзаце гиперссылки на непосредственный адрес материала на сайте ИА «NewTimes.kz». Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика