+7 (7172) 79 78 20

Написать нам в WhatsApp: +7 (700) 402 32 92
09.06.2018 в 17:09

Шымкенттегі жаңа логистикалық орталық қуаттылығын арттырды

Шымкентте өткен жылы іске қосылған «А» санатындағы көлік логистикалық орталығы 500 мың тоннаға дейін жүк өңдеуге көшті. Орталықта бүгінде Өзбекстан, Тәжікстан, Қырғызстан және Ресейден келіп жатқан транзиттік жүктер сақталып, кедендік рәсімдеуден өткізілуде. Бұл туралы аталған орталықта өткен брифинг барысында айтылды.

Аталған нысанның құрылысын қаржыландыруды «Қазақстан Даму банкі» жүзеге асырып келеді. Бүгінде аталған банк орталыққа 11,8 миллиард теңге қаражат құйған. Орталықта әрқайсысының аумағы 10,3 мың шаршы метр болатын екі қойма жұмыс істейді. Мамандардың пікірінше, еліміздегі миллион тұрғыны бар үшінші қалаға мұндай қойма орталығы аса қажет. Себебі шаһар халқы өсім үстінде болған соң, тауарларға да сұраныс артатыны сөзсіз.

Кәсіпкерлер үшін де тиімді тұстары көп. Орталық Батыс Еуропа-Батыс Қытай көлік дәлізіне жақын орналасқан. Яғни бұл жерден еліміздің кез келген қаласына тіпті шетелге тауар жіберуге болады. Алдағы уақытта Қазақстан мен Өзбекстан арасындағы сауда-экономикалық қарым-қатынасты жақсарту үшін енді екі ел арасында логистикалық бірлескен кәсіпорын құру жоспарда бар.

«Шымкент — еліміздің Орталық Азияға шығатын қақпасы, ол жақтан Қазақстан арқылы транзитпен тауар ағындары Ресейге және кері бағытта жүреді. Яғни жоба Қазақстанның экономикасы үшін және біздің көршілерімізбен трансшекаралық ынтымақтастықты дамытуға бағытталған. Бұл ең әуелі Шымкент-Ташкент сауда-экономикалық дәлізін дамыту тұрғысынан маңызды», — дейді «Қазақстан Даму Банкі» АҚ атқарушы директоры Әділ Исмағамбетов.

Банк басшылығының айтуынша, бірлескен жобада жүк көліктері үшін «жасыл дәліз» енгізіледі. Мұнан соң екі ел арасында жылына 400 мың тоннаға дейін тауар тасымалданбақ.


Редакция

Новости Казахстана

Полное воспроизведение или частичное цитирование материалов агентства допускаются только при наличии в первом абзаце гиперссылки на непосредственный адрес материала на сайте ИА «NewTimes.kz». Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика