+7 (7172) 30 85 71

Написать нам в WhatsApp: +7 (707) 888 02 16
11.09.2018 в 20:37

Қызылордалық Ишанқұловтар отбасы «Мерейлі отбасы» республикалық конкурсының дипломанты атанды

Елбасының бастамасымен 2014 жылдан бастап қоғам назарын отбасылық құндылықтарды сақтауға аудару әрі оны дәріптеу мақсатында «Мерейлі отбасы» ұлттық конкурсы өткізіліп келеді. Бұл елімізде мемлекеттік деңгейде отбасы, жанұя ұғымдарына көрсетілетін зор құрметті паш етеді және оған ерекше назар бөлінетінін айқындайды.

Қызылордалық Ишанқұловтар отбасы «Мерейлі отбасы» республикалық конкурсының дипломанты атанды

Биыл «Мерейлі отбасы» ұлттық байқауына өңірімізден 361 отбасы қатысты. Әрбір отбасы көпке үлгі болған елге сыйлы әулеттер. Аймақтық кезеңнің ақтық сынына жолдама алған 12 отбасының барлығы сый-құрметке бөленген еді.

Биылғы жылы алғаш рет Астана қаласының 20 жылдығына және «Мерейлі отбасы» ұлттық республикалық конкурсына 5 жыл толуына орай Елбасының бастамасымен гран-приден болек 2 отбасына дипломант атағы берілді. Соның бірі Қызылорда облысынан Ишанқұловтар отбасы «Мерейлі отбасы» республикалық конкурсының дипломанты атанды. Екінші отбасы ақтөбелік Айтбаевтар отбасы.

Ұрпағымен көктеп-көгеріп отырған Ишанқұловтар осынау аймақтық сыннан сүрінбей өтіп, жеңіс тұғырынан көрінді. Тылда талмай еңбектене жүріп мал шаруашылығында 36 жыл тер төккен отағасы Ерғали Ишанқұл 81 жаста болса, отанасы Бахира Камардинқызы 80 жастағы зейнеткер. Ерінің бір жағында тұрмыс тауқыметін бөлісе жүріп 14 баланы өмірге әкеліп, «Алтын алқа», «Күміс алқа» иегері бола білді. «Үлгілі отбасы – қоғам негізі» ұстанымындағы жандар 62 жылдан бері татулық уызына ұйып, үлгілі өмір сүріп келеді. Бүгінде, осынау мәуелі бәйтеректің саясында 52 немере, 25 шөбере және 1 шөпшек бар. Ерғали Ишанқұлов ұзақ уақыт агро-өнеркәсіп саласында қызмет еткен, балаларының көбі де осы да салада жұмыс жасап жүр. Ишанқұловтар әулетінің балалары атакәсіпті жал­ғастырып,  мал шаруашылығымен айналысып келеді. Отбасының ұстанымы: «Үлгілі отбасы – қоғам негізі». Дипломант атанған отбасыға микроавтобустың кілті табыс етілді.

Самые интересные новости в нашем Telegram-канале


Редакция

Новости Казахстана

ИА «NewTimes.kz» ЗАПРЕЩАЕТ копировать и перепечатывать материалы агентства с пометкой «Эксклюзив», а также их фрагменты. ЗАПРЕТ распространяется на все зарегистрированные СМИ, а также паблики в Instagram. Полное воспроизведение или частичное цитирование других материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы могут быть скопированы и размещены только с подписью «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. 
Реклама на сайте

Мы в соцсетях

       

Приложения Newtimes для:
iPhoneAndroid

  Яндекс.Метрика