пятница, 29 марта 2024 г.
icon
449.58
icon
486.94
icon
4.86
Алматы:
icon
8oC
Астана:
icon
3oC
1xadv
×

Мамандар Шымкенттің туристік әлеуетін арттырудың жолдарын талқылады

Түркістан облысының Өңірлік кәсіпкерлер палатасында «Атамекен» ҚР Ұлттық кәсіпкерлер палатасының және «Kazakh Tourism» АҚ бастамасымен ұйымдастырылған «Түркістан облысы және Шымкент қалаласы туризмді дамытудың келешегі» тақырыбында дөңгелек үстел өтті.

Іс-шараға Азия даму банкі, «ҚазАвтоЖол» ҰК» АҚ, Түркістан облысы мен Шымкент қаласының жергілікті атқарушы органдары, сондай-ақ, өңірдің бизнес өкілдері қатысты.

«Kazakh Tourism» Ұлттық компаниясы басқармасының төрағасы Рашид Күзембаев жиынды ашып, компанияның қызметі туралы айтты.

«Шетелдік туристердің үлкен ағынына қол жеткізу үшін қажетті инфрақұрылымды дамытып, қызмет көрсету сапасын арттыру қажет. Шетел туристері үшін қай нысандары ең қызықты екенін білеміз. Біз туристерді тартуға бағытталған арнайы жобаны дайындадық», – деді Рашид Күзембаев.

Оның айтуынша, Шымкент қаласының да, Түркістан облысының да экономикасының қозғаушы күші дәл осы туризм саласы боп қалыптасуы керек. Ол үшін саланы жүйелі түрде дамыту қажет дейді ол. Мәселен, бір ғана Шымкенттің өзінде туристерді қызықтыратын нысандар жетіп артылады. Алайда, инфрақұрылымның дамымауы, яғни жолдардың сапасыз болуы салдарынан саяхатшылар аталған орындарға көп бара бермейді екен. Сондықтан, ең алдымен осы жол мен байланыс желілерін дамыту қажет деген пікірін айтты Рашид Күзембаев.

Өз кезегінде, «Атамекен» ҚР ҰКП Қызмет көрсету саласы департаменті директорының орынбасары Қарлығаш Алтаева бұл оймен қосылатынын айтып, іс-шараға қатысушыларға саланың қол жеткізген нәтижелері туралы хабарлады.

«Соңғы бірнеше жылда, Атамекенмен, Сыртқы істер министрлігі, Ұлттық қауіпсіздік комитеті, Ішкі істер министрлігі, Халықаралық ғарыш станциясы және басқа да мемлекеттік органдармен бірлесіп визалық және көші-қон режимді ырықтандыру бойынша бірқатар тиімді қадамдар жүзеге асырылуда. Аймақтарда шетелдік азаматтарды тіркеу бойынша нарық субъектілерін оқыту жүргізілді. Сонымен қатар, «Атамекен» бастамасымен, 2018 жылдың мамырында Визалық қолдауды толтыру қағидаларының жаңартылған түрі өзгертіліп, күшіне енді. Онда құжаттарды тапсырудың аз уақыты қысқартылды және үшінші елде виза толтыруға рұқсат етіліп, қажетті құжаттардың тізімін азайтылған және Қазақстан визасын алған саяхатшылар үшін «көші-қон картасы» жойылды», –  деп атап өтті «Атамекен» ҚР ҰКП өкілі.

Сонымен қатар, Қарлығаш Алтаеваның айтуынша, ерекше қорғалатын табиғи аумақтардың жерлерін беру ережелерін оңайлату сұрақтары әзірленіп, Ұлттық саябақтардың жұмысының айқындығын арттыру мақсатында бизнестің қатысуымен әр ұлттық паркте Үйлестіру кеңестері құрылды. Сондай-ақ, Бюджет кодексіне енгізілген өзгертулердің арқасында әкімдіктерге ұлттық парктің аумақтарындағы инфрақұрылымды салу мен жетілдіруге жергілікті бюджеттен қаражаттандыруға рұхсат берілген.

Түркістан облысының әкімінің орынбасары Ербол Тасжүреков оңтүстік өңірдегі туризмді дамытудың болашағы туралы әңгімелеп берді. Жергілікті атқарушы органдардың өкілдері аймақтағы туризмді дамыту тұжырымдамасын ұсынды. Олардың пікірінше, түркітілдес халықтардың рухани астанасы ретінде Түркістан қаласының табиғи және мәдени көрнекті орындары, гастрономия, ұлттық дәстүрлер, сондай-ақ туристерді құрайтын мегаполистік қала ретінде Шымкент облыстың туристік әлеуетінің негізгі компоненттері болып табылады.

Осы іс-шара шеңберінде болашақта «Атамекен» және «Kazakh Tourism» тарапынан жүзеге асатын аймақтың инвестициялық жобалары таныстырылымы ұйымдастырылды.

Что думаете об этом?
Нравится 0
Мне все равно 0
Забавно 0
Сочувствую 0
Возмутительно 0