Қазақстандық трансформатор өндіруші Alageum Electric АҚ Шымкенттегіиндустриалдыаймақтаірікәсіпорынсалудыжоспарлапотыр. Компания сондай-ақ, өзге де мега-жобалармен айналыспақ. Бұл үшін компания басшылары KEGOC-пен офтейк-келісімшартқа (әлі өндірілмеген тауарды сатып алу туралы келісім) қол қоймақшы. Бұл туралы Астанада өткен энергетиктер форумында компанияның директорлар кеңесінің төрағасы Еркебұлан Ілиясов БАҚ өкілдеріне айтып берді.
«Биыл Шымкентте, «Тассай индустриялық аймағында жаңа өндірісті іске қоспақшымыз. Онда 220-250 кВ кернеулі қуаттық трансформаторлар өндірілетін болады. Негізгі тұтынушымыз, әрине, KEGOC. Қазір импортты алмастыру бағдарламасы мен «Самұрық-Қазына» бағдарламасы шеңберінде жаңа өндірістерді ашу бойынша офтейк-келісімшарттарға қол қою деген түсінік бар. Қазір алғашқы болып «Самұрық-Қазына» атынан әрекет етуші KEGOC компаниясы ниет білдіріп отыр, сондай-ақ ҰКП-дан жақсы қолдау бар», – деді ол.
«Офтейк-келісімшарттың ыңғайлы жағы сол, біз бір жағынан қандай нысандар, қуаттық трансформаторлар, көлік трансформаторлары және реакторлар секілді қондырғылар қанша көлемде жеткізілуге тиіс екенін бір-үш жылымызды алдын ала біліп отырамыз. Енді келесі қадам «Самұрық» тарапынан жасалатын болады. Атап айтқанда, «Қазақстан темір жолы», «Самұрық-Энерго» секілді өзге еншілес кәсіпорындарымен келісімшартқа қол қойылмақшы. Аталған еншілес кәсіпорындарда да қызығушылық танытуда. KEGOC-пен жасалған соң келесі кезекте жоғарыда аталған компаниялармен жасайтын боламыз. Қазір KEGOC-пен офтейк-келісімшарттың көлемін 2022 жылға дейін төрт миллиард теңге деп жоспарлап отырмыз. Бұл реактордың төрт түрі, олар шынымен де өте күрделі, 500 киловаттқа шақталған, Қазақстанда ешқашан шығарылған емес», – деп түсіндірді Ілиясов.
Ресейдің НЛМК тобына жататын «ВИЗ-Сталь» зауытынан жеткізілетін трансформаторлық болаттың бағасы жөнінде келіссөздер туралы тілге тиек еткен Еркебұлан Ілиясов мәселе шешімін тауып келе жатқанын айтты.
«Егер келісімге келе алсақ, бір-бірімізге талабымыз жоқ екенін ресми мәлімдейтін боламыз. Олар өздеріндегі баға саясатын реттеді, және дәл қазақстандық сатып алушылардың немесе ЕАЭО аясындағы өзге клиенттердің құқығын шектеу болмайды деп ойлаймын», – деп атап өтті ол.