+7 (7172) 30 85 71

Написать нам в WhatsApp: +7 (707) 888 02 16
13.05.2019 в 19:34

Студенттердің бәсекеге қабілеттілігін шыңдайтын сайыс

БҚО-ның техникалық және кәсіптік білім беру ұйымдарының студенттері бәсекеге қабілетті екендерін білім мен біліктілік бағытындағы түрлі сайыстарда дәлелдеп жүр. Соның бірі - «WorldSkills Kazakhstan» чемпионаты.

Студенттердің бәсекеге қабілеттілігін шыңдайтын сайыс

Былтыр аталмыш байқаудың республикалық кезеңіне қатысқан Батыс Қазақстан индустриалды колледжінің студенті Темірлан Орынов ең үздік деп танылған еді. «Сандық бағдарламамен басқару станогіндегі токарьлық жұмыстар» құзыреттілігі бойынша жеңімпаз атанған ол жуырда Татарстанда өтетін «WorldSkills – 2019» халықаралық чемпионатында ел намысын қорғамақшы. Биыл да батысқазақстандық өрендер республикалық сайыста Темірлан секілді топжаратынына көпшілік сенімді. Бұл туралы таяуда Орал қаласында өткен аталмыш байқау барысында айтылды.

Облыста осымен бесінші рет ұйымдастырылған «WorldSkills Kazakhstan» өңірлік чемпионатында 155 қатысушы 23 құзыреттілік бойынша сынға түсті. Орал қаласындағы колледж, өндіріс орындары, кулинария, бөбекжай базаларында болған сайысты 148 сарапшы бағалады.

«Қазіргі нарықтың талабына сәйкес кәсіптік-техникалық мамандық иелеріне сұраныс артып отыр, осы салада еңбек етіп жүрген жандардың ел экономикасының дамуына қосып жатқан үлесі зор. Елбасы Нұрсұлтан Әбішұлы Назарбаевтың тапсырмасына сәйкес әр өңірден кем дегенде 10 колледжді жоғары деңгейге шығарып, әлемдік озық тәжірибелерді енгізу негізінде дамыту міндеті жүктелген болатын. Қазіргі таңда облысымыздағы бес колледжде осы бағыттағы жұмыстар қолға алынды. Кәсіптік-техникалық бағытта тәлім алып жүрген жастар арасында жыл сайын өткізіліп келе жатқан чемпионаттың ауқымы кеңейіп келеді. Былтыр 13 құзыреттілік бойынша үздіктер анықталса, биыл олардың саны 23-ке жетті. Мұндай жарыс жастарымыздың бәсекеге қабілеттілігін шыңдайтыны сөзсіз. Ал бұл өз кезегінде, олардың мықты маман болып қалыптасуына әсер етері анық», — деді өңірлік чемпионаттың жабылу салтанатында БҚО әкімінің орынбасары Ғабидолла Оспанқұлов.

Сарапшылардың жан-жақты сараптауы нәтижесінде облыстағы түрлі колледждердің 23 студенті «жүзден жүйрік, мыңнан тұлпар» деп танылды. Енді олар Нұр-Сұлтан қаласында өтетін республикалық чемпионатта облыс намысын қорғайтын болады.

Ернар ХАЙДАР,

Батыс Қазақстан облысы


Редакция

Новости Казахстана

ИА «NewTimes.kz» ЗАПРЕЩАЕТ копировать и перепечатывать материалы агентства с пометкой «Эксклюзив», а также их фрагменты. ЗАПРЕТ распространяется на все зарегистрированные СМИ, а также паблики в Instagram. Полное воспроизведение или частичное цитирование других материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы могут быть скопированы и размещены только с подписью «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Предвыборная реклама

Мы в соцсетях

       

Приложения Newtimes для:
iPhoneAndroid

  Яндекс.Метрика