Қазақстандық әнші Ерке Есмахан айлық табысы жайлы айтты. Ол Елбасы Нұрсұлтан Назарбаевпен бірдей табатынын айтты, деп хабарлайды «NewTimes.kz» Stan.kz ақпарат агенттігіне сілтеме жасап.
Instagram-да оқырмандарының бірі әншінің табысы жайлы сұрады.
«Осы кісілердікімен бірдей. Лям больше, лям меньше», — деп жазды Ерке Есмахан Нұрсұлтан Назарбаев және Димаш Құдайбергенмен бірге түскен суретін жариялап.
Осыдан бөлек, әртіс Жаңа жылды қайда қарсы алатынын айтты.
«Үйде анам, ұлым, бауырларыммен. Келе жатқан Жаңа жыл құтты болсын! Бақытты болыңыздар», – деп бөлісті Есмахан.
Әнші мереке күні дастархан жасауға қатыспайтынын жеткізді.
Ерке Есмахан шығармашылық жоспарларымен де бөлісті. Әнші келер жылы жеке ән кешін беруді жоспарлап отырғанын айтты.
