Әбдіжаппар Әлқожа 2 ұлын сүндетке отырғызып, Жетісайда дүркіретіп той жасады. 20 мың адамға көкпар беріп, кешке жүздеген адамға дастархан жайған, деп хабарлайды «NewTimes.kz» ақпараттық агенттігі «Айбат» жаңалықтар қызметіне сілтеме жасап.
Онда белгілі аспаз Бағдат Қадыров шетелден арнайы тапсырыс беріп алдырған акуланы сойып, етін бұқтырып, қонақтарға қызыл балық етімен қоса тартыпты. Экзотикалық астан ауыс тиген де, тимеген де арманда қалса керек.
Бағдаттың айтуынша, акула арнайы АҚШ-тан жеткізілген. Келісі 15 мың теңге тұрады. Сондай-ақ, Әлжаппар досы болғандықтан одан ас-мәзірін дайындағаны үшін ақша алмапты. Дастархан шамамен 400-ден астам қонаққа жайылған.
Бағдат Қадыров кезінде Елбасыға да бір-екі мәрте тамақ тайындап бергенін айтты.
Әншіні 22 ақпанда өтетін тойға дүйім жұртқа жар салып, шақырту жарнамасын өзі 2 ақпанда Instagram парақшасына жүктеген. Тойдың салым қоры деп 10 млн теңге, 5 автокөлік, 5 түйесі бар 9 ірі қара мал деп көрсетіпті.
Ал аспаз Бағдат Қыдыров жүлдеге тігілген көлік санының 10-нан асқанын хабарлады.
Посмотреть эту публикацию в Instagram
