Әлеуметтік желілерде тараған видеодан бірнеше азаматтың қиранды астынан Туды шығарып жатқанын байқауға болады, деп хабарлайды Skifnews.kz.
21 мамырда Шымкентте футболдан Премьер-лига командалары арасындағы ел біріншілігінің он екінші турында ауа райының қолайсыздығы салдарынан стадионның шатыры ұшып кетіп, алаңға түсті.
Аталған жағдайға байланысты Шымкенттегі «Ордабасы» мен Павлодар облысының «Ақсу» клубтарының кездесуі ойын ортасынан тоқтатылды. Бұл уақытта шымкенттік клуб қарсыласынан 1:0 есебімен басым түсіп жатқан болатын.
Шатыр құлаған кезде жанкүйерлер бас сауғалап жапа-тармағай қашқан еді. Алайда, құлаған шатыр көк Туды жапырып кеткенін байқаған кейбір жігіттер, оны көтеруге тұра ұмтылған. Әлеуметтік желілерде тараған видеодан бірнеше азаматтың қиранды астынан Туды шығарып жатқанын байқауға болады.
Посмотреть эту публикацию в Instagram
Желі қолданушылары жігіттердің бұл әрекетіне ризашылықтарын білдірді.
«Намысын жерге құлатпайтын қазағым», «Қазақ анау-мынау деп көре алмайтын ел айта берсін. Аллаға шүкір, қазақ жұмылса – жұдырық, біріксе — күш. Бірлігіміз арта берсін», — деп пікір білдірген.
Оқыс жағдайдан зардап шеккендер жоқ. Аталған жайт бойынша полицейлер ҚР ҚК 278-бабы «сапасыз құрылыс» бойынша сотқа дейінгі тергеу жүргізуде.
