Тойда бидің түбін түсірген жігіт желіде қызу талқыланып жатыр. Ырғақты әуенге ілескен оның жұлқынған биінен шалбарының арты жыртылып, әуретті жері көрініп қалды, деп хабарлайды Экспресс К.
Бұл сәтті тойға келген қонақтардың бірі видеоға түсіріп алған. Бейнежазба әп-сәтте әлеуметтік желілерде тарап кетті.
Бірнеше жігіт бір бойжеткенмен бидің түбін түсіреді. Олардың бірі жерге жатып, қимылын жалғастырғаны сол шалбарының арты қақ айырылады. Тіпті әуретті жері көрініп қалады.
Видеоны көргендер жас жігіттің бұл биін сынның астына алды. Енді бірі мұндай сәтті видеоға түсіріп, оны ғаламторда таратып жібергендердің әрекеті адамгершілікке жатпайтынын алға тартты.
«Жыртылып билегенсің деп айтып жүретін екен», «Мынау енді не би? Еркектер не боп барады?», «Іш киім жыртылғанша деген осы шығар», «Стринги киіп алған ба?», «Неге біреудің айыбын ашып, абыройын шашып, дүйім жұртқа жариялауға құмармыз?» ― деп жазды желі қолданушылары.
Бұл тойдың қайда және қашан болғаны белгісіз.
