Жақында танымал айтыскер Сара Тоқтамысова қызды болды. Ол қызына ерекше есім қойған. Бұл туралы ақын Instagram-парақшасында айтты, деп хабарлайды Massaget.kz тілшісі.
Ақынның сөзінше, баланың есімін жұбайы таңдап қойған. Ал бұған дейін ол Желідегі оқырмандарынан әдемі есімдер жазуын сұраған.
«Есілқызы Сүйкімді! Үйіне келе жатыр. Сөзі сүйкімді болсын, ісі сүйкімді болсын деп ырымдап қойдық. Аллам өміріңді сүйкімді қылсын. Ғұмырлы бол, құлыным», ― деп жазды ол.
Желі қолданушылары сәбидің есімі ерекше екенін жарыса жазған.
«Әдемі есім сүйкімді деген», «Жақсы ат қойыпсыз», «Ерекше есім екен», «Аты Сүйкімді ме? Бірінші рет естіп отырмын», «Есімі қандай әдемі болса өмірі сондай болсын», ― дейді пікір білдіргендер.
