Танымал әнші Айгүл Иманбаева 24 жыл бойы жалғыз жүргенін, осы аралықта 10 рет ұсыныс алғанын айтты. Бұл туралы ол Динара Сәтжанға берген сұхбатында мәлімдеді, деп хабарлайды Massaget.kz.
Оның сөзінше, бақытын жұртқа жариялап көрсететіндердің қатарынан емес.
«24 жыл бойы жалғызбын. 25 жыл ішінде 10 рет ұсыныс (тұрмысқа шығуға - еск.) жасалды. Instagram-да қолыма сақина салып, теріс қарап, гүл ұстап түсу табиғатымда жоқ. Маған ол нәрсе ұнамайды. Instagram-да бөлісе алмаймын. Бақытты адам үндемейді, бөліспейді. Құдайдан үмітім бар, міндетті түрде тұрмысқа шығамын», — дейді әнші.
Бұған дейін Айгүл Иманбаева әріптесі Алтынай Жорабаевамен қарым-қатынасы туралы ашық айтқан болатын. Ол әнші Алтынай Жорабаевамен сөзге келіп қалған сәттердің де болғанын жасырмады.