Оңтүстікқазақстандық тұрғын ЭКСПО Халықаралық көрмесін Шымкентте өткізгенде келушілер саны рекордтық нəтижеге жететінін сеніммен айтты, деп хабарлайды Newtimes.kz ақпараттық агенттігі.
Тұрғын Ержан Тəліп бұл туралы ойын Facebook əлеуметтік желісіндегі парақшасы арқылы бөлісті.
Баяғыда Қызылордада бір семинарға 25 мұғалімнің 22-сі Шымкенттен екен де, қалған үшеуі Қызылордадан екен. Сонда бізбен барған бір кісі:
«Сонау Шымкенттен 22 адамды мұнда сабылтпай-ақ, 3 қызылордалықты Шымкентке апарып, семинарды сонда өткізбедіңіздер ме? 3 адамды Шымкент төбесіне хан көтеріп, күтуге шамасы келер еді ғой,- деп еді. ЭКСПО-ны да Шымкентте өткізе салу керек еді. Құрылыста жүрген гастарбайтерлерімізді де апарып, тамашалаушылар санын "давно" қағаз жүзінде 18 миллионға, "фактический" 8 миллионға жеткізіп қояр едік» - деп жазды автор. Мұны оқыған желі қолданушылары шымкенттіктің жазбасына риза болып, қолдай кетті.
