Желіде тарап кеткен видеода кейуананың 100-ге дейінгі санды мүдірместен жатқа айтып бергенін байқауға болады. Бір ерекшелігі ақ жаулықты ананың сандарды керісінше оқығанын байқауға болады. Мәселен, бір санын «ріб», екіні «іке» деп солай кете береді. Бұл видеоны әжейдің ұлы Мұнайдар Баймолда өз парақшасында бөлісті.
«Менің анашым ғой! 81-ден асып бара жатқан шағында да жады жақсы, 100-ге дейін кері қарай оқып санайды. Сенбейсіз бе, ендеше өзіңіз тыңдаңыз. Қазір жасы ұлғайғасын бұрынғыдай зудыратып санамайды, әйтсе де тым тәуір! Алла анамызға амандығын берсін! Әумиін!
Тағы оқыңыздар: Қоғамдық орында спортпен шұғылданған кейуана елді өзіне қаратты (ВИДЕО)
Үлкендеріміз аман болсын!..» деп жазды автор. Мұны көрген қолданушылар қарт әжейдің есте сақтау қабілетіне тәнті болып, ғұмыр жасының ұзақ болуын тіледі. Айтпақшы, видео авторы анасының немісше сөйлейтінін, сонымен қатар бүкіл туыс-құдаларының туған жылы мен күнін жатқа білетінін де атап өткен.
