Мектеп оқушыларының сүйіскен ВИДЕОсы Instagram қолданушыларының ашуын туғызды

Мектеп оқушыларының рахаттана сүйісіп тұрған сәтін куәгерлердің бірі бейнекамераға түсіріп, видеоны әлеуметтік желілердің біріне салып жіберген. Instagram әлеуметтік желісіндегі 550gramm парақшасында жарияланған ролик қолданушылардың ашуын туғызуда.

Оқушылардың үстіндегі мектеп формасына қарағанда, видеоның Қазақстанда түсірілгені анық, бірақ қай қалада екені белгісіз. Пікір жазған қолданушылардың көбі ата-аналардың тәрбиеге мән бермейтінін айтса, біразы мұны бала махаббатқа балап отыр. Ал, тағы бір қолданушылар мектеп жасындағы жүктіліктің көбеюі дәл осындай жайттардан болатынын ескертіп отыр.

Мектеп жасындағы жүктілік демекші, Қазақстан бұл тұрғыда әлемдегі көшбасшылардың бірі. Мәселен, Швейцарияда жылына 15-19 жас аралығындағы мың қыздың алтауы, Оңтүстік Кореяда небәрі екеуі, ал, Қазақстанда 34-і жүкті болып қалады екен.

Елімізде оқушылар жүктілігі жөнінен Оңтүстік Қазақстан облысы көш бастап тұр. Азаттық порталы жарилаған мәліметке сенсек, 2016 жылы ОҚО-да мектеп жасындағы 312 қыз босанып алған екен. Сондай-ақ, 286 жасөспірім жүктілер есебіне алынған.

Loading...

7 декабря, вторник