Оқиға ислам елдерінің бірінде орын алған. Үлкен сауда орталығының эсколаторына сүйенген кішкентай қыздың қолы сатының жылжымалы жақтауына ілініп, оны жоғары қарай сүйреп алып кеткен. Қыз төмен қарай құлағалы жатқан сәтте көмекке жүгірген жігіттердің бірі оны аман алып қалды.
Аталған видеоролик Instagram әлеуметтік желісіндегі islam_nasikhat парақшасында жарияланған.
Осы ретте айта кету керек, мұндай оқыс оқиғалар Қазақстанда да өкінішке қарай орын алып отырады. Мәселен, 2015 жылы Астанадағы «Керуен» сауда орталығында 5 жасар бала эсколатордан құлап, басын жарып алған болатын. Сондай-ақ, биыл 12 қазан күні Алматыдағы «МАРТ» сауда орталығында да кішкентай сәби 3 қабаттағы эколатордан ауып кетіп, бірінші қабатқа құлаған еді. Куәгерлердің айтуынша, ол анасының қолынан шығып кеткен. Бала ауыр халде ауруханаға жеткізілді.
