+7 (7172) 30 85 71

Написать нам в WhatsApp: +7 (707) 888 02 16
10.04.2018 в 11:08

Global Oil&Gas Atyrau көрмесі өз жұмысын бастады

Көрменің ашылу салтанатына ҚР Энергетика вице-министрі Болат Ақшолақов пен Атырау облысының әкімі Нұрлан Ноғаев қатысты, деп хабарлайды NewTimes.kz.

Бірнеше жылдан бері Global Oil&Gas Atyrau бизнес-кездесулер мен маңызды іс-шаралар өткізетін алаңға айналды.

«Атырау өңірі жоспарлы әрі серпінді дамуда. Мемлекет басшысы Нұрсұлтан Назарбаевтың тапсырмасымен  облыста облыс экономикасын әртараптандыру тұрғысында жоспарлы жұмыстар жүргізілуде. Көрмеге қатысушыларға өз ризашылығымды білдіргім келеді, өйткені олар да экономиканың дамуына, кенорындарын дамытуға және әріптестердің арасындағы қатынастарды дамытуға өз үлестерін қосуда. Мұндай алаң барлық қатысушыларға олардың жұмыс бағыттарына қарамастан өз бизнесінің ауқымы мен шекарасын кеңейтуге мүмкіндік береді. Бүгінгі күні облыста мыңнан аса шетелдік және бірлескен кәсіпорындар жұмыс жасайды. Облыс әлемнің 50 елімен ынтымақтастықта», — деп атап өтті алғы сөзінде Атырау облысының әкімі Нұрлан Ноғаев.

«Мұндай іс-шараның мұнай-газ өндіру тарихы дәл осы жерде басталған Атырау облысының аумағында өтіп отырғаны қуантады. Мұнай-газ саласы Қазақстан экономикасы дамуының қозғаушы күші болып қалады, сондықтан біз бәріміз оның серпінді және қарышты дамуына қызығушылық танытамыз. Көрмеге жүз елдің өкілдері қатысуда және барлығы өздерінің жаңашыл шешімдерімен бөлісе алады және жаңа іскерлік байланыстар орната алады», — деді ҚР Энергетика вице-министрі Болат Ақшолақов.

Өнеркәсіптік жабдықтар мен мұнай-газ саласына барлық қажетті құралдар бар өз павильондарын Ұлыбританияның, Белоруссияның, Ресейдің, Түркияның, Әзірбайжанның жүзден аса компаниясы көрсетті. Экспозициялардың саны өткен жылмен салыстырғанда 8%-ға ұлғайды.

Global Oil&Gas Atyrau көрмесімен бірге көрме кешенінде AtyrauBuild-2018 құрылыс және интерьер көрмесі орналасқан, оған қатысушылар құрылыс, интерьер, жол құрылысы саласындағы жаңалықтарды таныстыруда. Көрменің барлық қатысушыларына өз өнімі туралы айтуға, жаңа келісімшарттар жасауға мүмкіндіктер берілді.

Мұнан басқа іс-шара бағдарламасына Қазақстанның мұнай-газ саласындағы  КТК (Каспий Құбыр консорциумы), NCOC, Ембімұнайгаз сияқты ірі қатысушылардың семинарлары мен тұсаукесерлері енгізілген.

Аталмыш көрме 10 сәуірден 12 сәуірге дейін өтеді.


Редакция

Новости Казахстана

Полное воспроизведение или частичное цитирование материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 308571
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика