+7 (7172) 30 85 71

Написать нам в WhatsApp: +7 (707) 888 02 16
15.07.2016 в 12:59

Талдықорғанда Тәуелсіздіктің 25 жылдығына орай жан сергітер демалыс аллеясы ашылды

Талдықорған қаласында Тәуелсіздіктің 25 жылдығына орай Қаратал өзенінің жағалауындағы демалыс аллеясы ашылды, деп хабарлайды NewTimes.kz.

Тұрғындарды қуанышымен құттықтаған облыс әкімі Амандық Баталов әлемде өзенді жағалай қонған қалалардың баршылық екенін, соның ішінде еліміздің бас қаласы Астана бұл тұрғыда Есілімен ажарлы екенін айтып өтті. Астана қарап бой түзейтін Талдықорғанға да Қаратал өзені ерекше көрік беретінін айта келе:

«Жағалаудағы сан алуан архитектуралық шешімдер еңбектеген баладан еңкейген қарияға дейінгі барлық тұрғындардың көңілінен шығатынына сенімдімін. Үлкендер жаздың аптап ыстығында өзен жағасында серуен құрып, саламатты өмір салтына ден қойса, балалар ойын алаңдарында алаңсыз асыр салатын болады. Баршаңызды бүгінгі қуанышты күн – Қаратал жағалауындағы жаңа демалыс аллеясының ашылуымен шын жүректен құттықтаймын!» ― деді. Мұнан соң демалыс аллеясының шамын жақты. Самаладай жарқыраған шамдармен қатар отшашулар атылды.

Ұзындығы 1414 метрге созылған жағалау құрылысын «Шымыр» ЖШС мердігер ұйымы өткен жылдың тамыз айында бастаған болатын. Жобаның авторы Қазақстан Республикасы Сәулетшілер одағының төрағасы Ақмырза Түстембеков. Автордың идеясы бойынша жағалау алаңы 4 бөлікке бөлінген, яғни орындықтар, балалар ойын алаңы орнатылған демалыс аймағы, белсенді демалысты жақсы көретіндер үшін скейт пен роллдром және қалқандар, тенттер мен шатырлар орнатылған сахналық аймақ. Талдықорғанда негізін халықаралық дәрежедегі спорт шебері Андрей Кивилев салып кеткен велоспорттың жақсы дамуы себепті жағалауда велосипед жолына айрықша көңіл бөлінді. 

Көгалдандыру мен абаттандырудың әсемдігі өз алдына. Мұнда қылқан жапырақты және жапырақты ағаштар, бұталар, бұталы қоршаулар, газондар мен гүлзарлар отырғызылған.

Самые интересные новости в нашем Telegram-канале


Редакция

Новости Казахстана

ИА «NewTimes.kz» ЗАПРЕЩАЕТ копировать и перепечатывать материалы агентства с пометкой «Эксклюзив», а также их фрагменты. ЗАПРЕТ распространяется на все зарегистрированные СМИ, а также паблики в Instagram. Полное воспроизведение или частичное цитирование других материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы могут быть скопированы и размещены только с подписью «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. 
Реклама на сайте

Мы в соцсетях

       

Приложения Newtimes для:
iPhoneAndroid

  Яндекс.Метрика