+7 (7172) 79 78 20

Написать нам в WhatsApp: +7 (700) 402 32 92
22.10.2018 в 16:11

ҚХА шымкенттік жастардың кәсіппен айналысуына қолдау білдірмек

Шымкентте қалалық Қазақстан халқы Ассамблеясы мен «Жаңғыру жолы» республикалық жастар қозғалысының ұйымдаструымен өзін-өзі дамыту, өзіндік маркетинг және өзін таныту стратегиялары бойынша «PRодвигай себя» тренингі өтті.

ҚХА шымкенттік жастардың кәсіппен айналысуына қолдау білдірмек Фото: assembly.kz

Тренингке «Жаңғыру жолы» республикалық жастар қозғалысының өкілдері, «Қазақстандағы 100 жаңа есім» жобасының жеңімпаздары, «Жарасым» республикалық жастар ұйымының белсенділері, мектеп оқушылары, жоғары оқу орындары мен колледждердің студенттері қатысты.

Іс-шараға қатысушылар алдында Қазақстан халқы Ассамблеясы «Жаңғыру жолы» РЖҚ төрағасының орынбасары ― «Жарасым» РЖҰ төрағасы Тимур Джумурбаев сөз сөйлеп, тренингтің маңызына тоқталды.

«Мемлекет басшысы Н.Назарбаев биылғы «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауында 2019 жылды Жастар жылы деп жариялауды ұсынды. Елбасының жастарды ерекше атап өтуі жастардың бойында жауапкершілікті арттырады. Әрі жастардың өз идеялары мен тың жобаларын жүзеге асыруға мол мүмкіндік берілмек. Осыған орай Қазақстан халқы Ассамблеясы жанындағы «Жаңғыру жолы» республикалық жастар қозғалысы арнайы жол картасын әзірлеп, бірқатар жобаларды жүзеге асырмақ. Бүгінгі тренингте спикерлердің тәжірибесімен танысумен қатар, қала жастарының ұсыныс-пікірлерін тыңдауды көздеп отырмыз», ― деді Т.Джумурбаев.

Тренинг TEDx форматында жалғасын тапты. Кәсіпкер, Астана қаласындағы өзбек этномәдени орталығының мүшесі Фарангиз Ахметова «Шах нан» нан-тоқаш өндірісін ұйымдастыру бойынша шеберлік сабағын өткіздіп, мемлекеттік бағдарламаларды тиімді пайдалану, бизнесте жетістікке жетудің жолдары жайлы айтты. Ал тележүргізуші, ҚХА мүшесі, ҚР Президенті жанындағы Жастар саясаты кеңесінің мүшесі Ирина Тен селфбрендинг және өзін-өзі дамыту бағытында өз тәжірибесімен бөлісті. «Байсерке-Агро» агрохолдингі құрылтайшысының кеңесшісі Кирилл Павлов қазіргі заманда дұрыс білім алып, оны тиімді пайдалана білудің тетіктері туралы сөз қозғады. 

Жиын соңында тренингке белсенді қатысқан жастарға арнайы сыйлық ретінде кітаптар тарту етілді.


Редакция

Новости Казахстана

Полное воспроизведение или частичное цитирование материалов агентства допускаются только при наличии в первом абзаце гиперссылки на непосредственный адрес материала на сайте ИА «NewTimes.kz». Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 797820
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика