Мақпал Жүнісова танымал тележүргізуші Мақсат Толықбайдың анасына өзінің бағалы сыйлығын табыстады. Бұл туралы Kyn.kz сайтына сілтеме жасап «NewTimes.kz» ақпарат агенттігі хабарлайды.
Мақпал Жүнісова журналист Мақсат Толықбайдың өтінішімен тойға ән салуға барған. Ол жерде Мақсат анасының 60 жасқа толуына байланысты туған-туыстың басын мейрамханада жиған екен. Әнші бір тойдан шығып, осы тойға қарай жолға шыққанын айтып, барша қауымды аузына қаратты.
«Жаңа маған Мақсат хабарласты. «Анамның туған күні еді, келіп, әнсалып берсеңіз» деді. Өзім Алтынбек ағамның тойына барған едім. Сол жерден осында қарай қашып келдім. Мақсатты сыйлағандықтан. Бірақ, мен не сыйлаймын?
Үйден шығып кетіп едім дедім бірден. Сөйтсем «сыйлығыңыз әніңіз ғой дейді». Содан әрі ойланып, бері ойланып, Мақсаттай мықты журналисті өсіріп баққан Алмагүл құрдасыма қолымдағы бриллиант сақинамның бірін сыйлыққа берейін деп шештім. Ал, қолыңызды әкеліңіз», — деген Мақпал Жүнісова тойхана төрінде журналистің анасына сақинасын шешіп берді.
Тойдағы халық әншінің жомарттығына тағыда таңдана қарады. Ал, Мақсат Толықбайдың анасы болса әншіге алғысын жаудырды.
