Әлеуметтік желіде TikTok-тағы тікелей эфирде никаб киген қыздардың көбейіп бара жатқаны қызу талқыға түсті, деп хабарлайды «NewTimes.kz» ақпараттық агенттігі.
«Түнде TikTok ашсам, тікелей эфирде кілең осындайлар отырады. Қорқынышты. Бұлар әзірге зайырлы елде, Конституциямен өмір сүріп жатыр. Сондықтан емін-еркін қара қапшықтарын киіп, түңгі сағат 2-де эфирге шығып,ойларын емін-еркін айтып жатыр. Милары түгел араби,сөздері араби қазақша. Осылар егер өздері аңсап, құруға жанталасып жатқан халифаттары орнаса, бір-ақ сағатта эфирге шығып, ойларын айтпақ түгіл, ауыздарын ашуға да құқтары болмай еркектердің басыбайлы құлы болатындарын білмей ме? Бұлар да ана болады, сонда қыздарының шариғи елдердегідей 9-13 жасынан бастап біреудің 2-3-4 қатындары болатынын білмей ме?» ― деп жазды желі қолданушысы.
«Дұрыс айтасыз», «Алданған адамдар ғой», «Бұлар өте көп. Әсіресе Ақтау, Атырау, Ақтөбеде ошағы көп екен», «КНБ қайда қарайды?» ― деп пікір қалдырды желідегілер.
