Жақында ғана екінші перзентін дүниеге әкелген әнші Ерке Есмахан перзентханадан шығып, үйіне оралған. Өнер иесі өзге әріптестері секілді перзентханадан шыққан сәтін дүркіретіп тойлап, желіде жарияламаған, деп хабарлайды kaz.nur.kz.
Ерке Есмахан өзінің перзентханадан шыққан сәтін асыға күткен оқырмандарына желіде жауап берді. Әнші ұлымен бірге үйіне келіп алғанын хабарлады. Алайда ол бұл ерекше отбасылық сәтін Instagram парақшасында бөліспеген.
«Сәлем достар. Біз үйге келіп алғанбыз және суреттегідей жағдай басталып кетті. Туа салып, мына Ерке құтырып кетті ғой демесін деп, көз тимесін деп үлкендерді тыңдап кішкене инста әлемнен алшақтадым. Ертең барлығын айтып көрсетемін. Іздеп жатқан жандарға рахмет. Бізде бәрі керемет, Аллаға шүкір», — деп жазды әртіс.
Өнер иесі алдағы уақытта барлығын айтып, көпшілікке көрсетуге уәде етті.
