Отандық әнші Әли Оқапов отбасылық мұрағаттан фото жариялады. Эстрада жұлдызы ата-анасымен түскен суретін Instagram желісіндегі парақшасында бөлісті, деп жазады KAZ.NUR.KZ.
Роза Рымбаеваның ұлы бала кезіндегі суретін қысқа жазбамен толықтырды.
«Тасқын Оқапов, Роза Рымбаева, Әли Оқапов», — деді ол.
Мұны көрген көпшілік Әлиге амандық тіледі. Олар Тасқын Оқапов пен Роза Рымбаеваға қатысты оң пікірлер жазып қалдырды.
«Роза Қуанышқызының жалындап тұрған кезі ғой. Барған байқаудың бәрінен бас жүлдені алған. Қандай керемет», «Әли ақылды жігіт, бәрін таразыға салып, ойланып істейді», «Әли, сізге екі тұлғаның ұлы болу бұйырды. Енді сіз халықтың ұлысыз», «Роза Рымбаева туралы ешқандай өсек естімеппін. Екі баласын тәрбиелеп, елге сыйлы болып отыр», «Әли әкесінен айнымай қалған екен», «Әли, әке-шешем және мен десең, бүкіл қазақ елі таниды», «Шіркін, ата-ананың орны бөлек қой», — деп жазды жұрт.
