+7 (7172) 30 85 71

Написать нам в WhatsApp: +7 (700) 402 32 92
05.12.2016 в 10:55

Вице-министр намазханалардың жабылу себебін түсіндірді

ҚР Дін істері және азаматтық қоғам вице-министрі Берік Арынның айтуынша, осыдан үш жыл бұрын қабылданған ережеге сәйкес, намазxаналар мемлекеттік органдардан үш жүз метр шалғай жерде орналасуы тиіс. Алайда, болашақта аталған ережеге өзгерістер енгізілуі әбден мүмкін.

«Бұл ереже 2013 жылы қабылданған болатын. Ол кезде Дін істері агенттігі болған. Сол ережеге сәйкес, құқық қорғау, әскери және тағы басқа мемлекеттік органдардың 300 метрлік радиусында сондай діни орындар (намазxаналар -авт.) орналаспауы керек. Енді, уақыт өзгеріп жатыр ғой. Мысалы, кейбір жерлерде ол орналасқаннан кейін онда басқа бір мекемелер ашылып жатыр. Мысалы, осыған байланысты Астана қалалық дін істері басқармасы тексеріс жүргізіп, сол нормалардың орындалуын қадағалап отырады», — деді Б.Арын ҚазАқпарат тілшісіне берген сұxбатында.

Оның айтуынша, бүгінде министрлік өкілдері әлеуметтік желілерде xалықтың намазxаналардың жабылуына қатысты алаңдаушылығын көріп, біліп отыр. Осыған байланысты алдағы уақытта ережеге өзгерістер енгізілуі әбден мүмкін.

«Біз осы мәселеге қатысты барлық ұсыныстарды қарап жатырмыз. Болашақта ережелерге өзгерістер енгізілген кезде сол ұсыныстардың барлығын қараймыз. Дәл қазір тек сол ережеге сәйкес келмейтін намазxаналар ғана жабылды. Дегенмен, әрбір факті бойынша тексеріс жүргізіледі», — деп атап көрсетті вице-министр.

Айта кетейік, «Діни қызмет және діни бірлестіктер туралы» заңды түсіндіруге арналған бүгінгі баспасөз мәслиxатында Берік Арын деструктивті ағым өкілдерінің имамдармен дауласып, мешітке келушілерді қорқытып жатқанын жеткізді. Осы орайда ол дереу полицияға xабарласуға кеңес берді. Себебі ондай әрекеттер заңмен қудаланады.

2013 жылы аталған заң қабылданған уақыттан бастап өзге өңірлердегі секілді Оңтүстік Қазақстан облысында да барлық мемлекеттік мекемелердегі намазханалар жабылды. Сондай-ақ, мемлекеттік қызметкерлердің жұмыс уақытында мешітке немесе өзге де құлшылық орындарына барып, діни рәсімдермен айналысуына тыйым салынған. Сол уақыттан бері облыста аталған заңды өрескел бұзу фактілері тіркелмеген.


Редакция

Новости Казахстана

Полное воспроизведение или частичное цитирование материалов агентства допускаются только при наличии гиперссылки на ИА «NewTimes.kz» в первом абзаце. Фото- и видеоматериалы агентства могут быть использованы только с указанием авторства «NewTimes.kz». Использование материалов ИА «NewTimes.kz» в коммерческих целях без письменного разрешения агентства не допускается.

© 2013-2019, «NewTimes.kz». Все права защищены.
Об агентстве. Правила комментирования. Реклама на сайте

Республика Казахстан, 010000
г. Нур-Султан (Астана), К. Сатпаева, 13А
Тел.: 8 (7172) 308571
Email: n.times@mail.ru

Мы в соцсетях

       

Приложения Newtimes для:
iPhoneAndroid

  Яндекс.Метрика