Бұған дейін Мерей мен Мақпал Жүнісованың арасындағы отбасылық мәселе көпшілікке мәлім болды, деп хабарлайды altyn-orda.kz.
Әлеуметтік желіде қызу талқыға түскен шулы видеодан соң Мақпал Жүнісова көпшілік алдына шықпай кетіп еді. Ол видеода халық әртісі жалғыз қызы Мерей — туған қызы емес екенін мәлімдеді.
Қызым менен кетті деген халық әртісі кейіннен халық алдында мән-жайды түсіндірді.
«Анашым, мен сені өте қатты сүйемін. Сен менің ең жақынымсың. Әрқашан мені қолдап келдің. Маған ақылыңды айтып келдің. Менің жанымда болғаның үшін, қолдағаның үшін алғыс айтамын. Сендей анам барына ризамын. Сені жақсы көремін», – дейді Мерей.
Желі қолданушылары мен өнер өкілдері Мерей мен анасына қолдау көрсетті.
«Құдай жаным, ақылыңнан! Бақытты бол, балапан! Сенің ешкімнің алдында да кінәң жоқ. Кешірім сұрайтындай. Анаңмен де бірге тату бол, бауырларыңмен де жақсы бол. Олар мамаңа да бөтен емес туған бауырлары ғой. Жалғыздық тек құдайға жарасқан. Сені біз Зәкеңнің көзі деп жақсы көрдік, солай қаласың да. Өмірінің соңында жанына жұбаныш пен алданыш болып келдің. Анаң да барынша аялап өсірді. Көрерменнен кешірім сұрайтындай ештеңе істеген жоқсың. Керісінше, өсекке құмар біздер сенен кешірім сұрауымыз керек. Жеке өміріңе кіріскеніміз үшін. Алла жар болсын!!!», «Мерей әкесіне ұқсаған ақылды, саналы қыз. Мамасы да керемет, кең пейілді жан. Қазақтың ерке қызы”, “Тіл- көзден сақтасын, бәрі жақсы болсын», «Ерекше, қыз Мерей! Алла тағаланың разылығымен берген. Жауапкершілігі жоғары. Бақытты бол», – деп жазды желідегілер.
