Белгілі ақын Светқали Нұржан «Сұрауы бар» бағдарламасында еліміздегі діни ахуал мен түрлі ағымдар жайлы ойын ашық айтты, деп хабарлайды «Адырна» ұлттық порталы.
Сұхбатта қоғам қайраткері қазақ қыздарының хиджаб киюі туралы да пікірін білдірді.
«Қазақ қызы мен әйелі ешқашан тұмшаланып орамал тақпаған. «Қазақтың кезі бетін ашып жүреді, бәледен қашық жүреді. сарттың қызы бетін бүркеп жүреді, бәлесін артына тіркеп жүреді», деген мәтел бар. Сондықтан біз бетіміз қанша ашық жүргенімен, Құдайдың алдында жүзіміз жарық халықпыз. Біз ешқашан бәле ертпеген халықпыз. Алдымен, сананы тәрбиелеу керек. Көріп отырмыз хиджабтардың тасасында қанша бомбалар жарылып жатқанын?! Сондықтан мен оған келіспеймін», — деді ақын.
