четверг, 22 февраля 2024 г.
icon
450.8
icon
486.77
icon
4.88
Алматы:
icon
-5oC
Астана:
icon
-18oC
1xadv
×

ҚТЖ мен Әлия Назарбаеваның компаниясы арасындағы келісімшарт қашан күшін жояды?

«Қазақстан темір жолы» ұлттық компаниясы Әлия Назарбаеваның «Instant Payments» компаниясымен жасалған шартқа қатысты түсінік берді, деп хабарлайды ҚазАқпарат тілшісі.

Фото: instagram / aliya_nazarbayeva_official
Фото: instagram / aliya_nazarbayeva_official

Орталық коммуникациялар қызметі алаңында өткен баспасөз мәслихатында компания өкіліне «ҚТЖ Әлия Назарбаеваның «Instant Payments» компаниясымен жасалған шартты қашан бұзады?» деген сауал қойылды.

Бұл сауалға «Қазақстан темір жолы» АҚ ұлттық компаниясының сату және клиенттермен жұмыс жүргізу департаментінің директоры Ерлан Жамайылов жауап берді.

«Биылғы ақпан айынан бастап тиісті рәсімді жүргізіп жатырмыз. 18 наурызда шартты бұзу туралы келісім жасалды. Қазіргі күні екі тарап қол қойды. Бірақ бұл өндірістік процесс болғандықтан, жолаушылардың билет сатып алуына кедергі келтірмей, тасымалдау қызметінде ақау болмас үшін біртіндеп өтуіміз керек. Бүгінгі таңда жаңа үлгідегі шартты келісу және ашық тендер құжаттарын рәсімдеп жатырмыз», – деді ол.

Оның айтуынша, келісім процедурасы «Самұрық-Қазына» әл-ауқат қоры бекіткен ережеге сәйкес жүреді.

«Бүгінгі таңда үлгілік шартты келісу рәсімі жүргізіліп жатыр, содан кейін шарт бекітіледі. Араға 45 күн салып шарт ресми сайтқа жарияланады. Ондағы мақсат – кез келген адам танысуы үшін және ашық тендерге ниет білдірушілер еркін қатыса алады. Тендерді осы жаздың соңына дейін өткізу жоспарланып отыр», – деді Е. Жамайылов.

Что думаете об этом?
Нравится 0
Мне все равно 0
Забавно 4
Сочувствую 0
Возмутительно 0