TikTok-та «төбелесіп» қалған ата мен әженің видеосы Қазнетті тәнті етті, деп хабарлайды Massaget.kz тілшісі.
Видео kaskelenkz01 TikTok-парақшасында пайда болды. Роликте ата мен әже әзіл ретінде төбелесіп қалғанын көруге болады. Әжей «Бұдан жеңілмеймін ғой» деген сәтінде ата артынан теуіп жібереді.
«Апамыз бен атамыз спорт мектепте танысқан болуы керек», ― дейді видео авторы.
TikTok қолданушылары әже мен атаның қылығына тәнті болған.
«Қандай керемет! Ата мен әже қандай жарасымды! Жас кездерінде бұдан да керемет болған шығар», «Бізге де бұйырсын», «Осылай қартаюды бәрімізге нәсіп етсін», «Әдемі көрініс, ата мен әженің ғұмыр жасы ұзақ болсын», ― дейді Желі қолданушылары.
