Қызылорда қаласына қарасты Қараөзек ауылында абайсызда арыққа құлап кеткен бес жастағы ұл бала көз жұмды, деп хабарлайды inbusiness.kz сайты.
Оқиға 21 мамырда сағат 12.00 шамасында болған. Қызылорда қаласына қарасты Қараөзек ауылында тұратын 2017 жылғы сәби балалармен бірге дүкенге шығып кеткен.
«Сәби абайсызда ауылға кіре берісте орналасқан арыққа құлап кетіп, сол жерде қаза болған. Ауыл тұрғындары оның жансыз денесін өз күшімен шығарып алған», — деп Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің баспасөз хатшысы Әлия Ережепова мәлім етті.
