Жұлдызды жұп Америка Құрама Штаттарында концерт өткізетіндері туралы Ерке Есмахан Instagram әлеуметтік желідегі парақшасында жариялады, деп хабарлайды ИА «NewTimes.kz».
Ерке Есмахан әлеуметтік желіде концерт кестесін жариялаған. Өнер иелері концертті қыркүйектің 4-і Хьюстон қаласында бастайды. Кейін Чикаго мен Лос-Анджелестегі тыңдармандарын қуантпақ. Гастрольдік сапарды Нью-Йорк қаласымен аяқтайды.
Ерке Есмаханның оқырмандары жаңалыққа қуанышты екендерін жарыса жазуда. Жұлдызды жұпқа сәттілік тілеп, пікір білдіруде. Америкадағы тыңдармандары да әншілерді асыға күтуде. Әріптестері ерлі-зайыптыны барынша қолдап жатыр.
«Сіздер үздіксіздер», «Осындай деңгейге көтеріліп жатқандарыңыз сүйсіндіреді», «Міне, жаңалық деген осы! Мықтысыздар», «Сіздерге ақ жол», «Құшақ жая қарсы аламыз», «Асыға күтеміз», - деп желі қолданушылары пікір білдіруде.
