Бизнесмендер Алматыны дамыту жөнінде ұсыныстарын айтты

Алматы әкімі Бақытжан Сағынтаев бизнес-қоғамдастықтың мегаполисті дамытуға қатысуы бойынша Іскерлік кеңестің кезекті отырысын өткізді.

Бизнесмендер Алматыны дамыту жөнінде ұсыныстарын айтты

«Алматы-2050» даму cтратегиясында белгіленген жеті басты бағыттарды іске асыру мақсатында 9 салалық комитеттер құрылды. Бизнес-қоғамдастық өкілдерінен өзге кеңес құрамына қала әкімінің орынбасарлары және салалық басқармалар басшылары енген болатын. Биылғы жылдың қараша айында әр комитет өз отырыстарында «Алматы-2050» даму стратегиясын, «ақылды», қауіпсіз әрі шетсіз қаланы дамыту перспективаларын, сонымен қатар шағын және орта бизнесті дамыту мәселелерін талқылаған еді. Комитеттер төрағалары атқарылған жұмыстар туралы баяндады және мегаполисті дамытудың түрлі бағыттарын іске асыру бойынша өз ұсыныстарын айтты.

«Іскерлік кеңестің даму стратегиясын талқылау бойынша жүргізіп жатқан жұмыстары біз үшін пайдалы әрі мазмұнды. Бизнесмендердің өз тәжірибелері мен білімдерін бөлісуге, қала және оның тұрғындары үшін бастамалар мен бағдарламаларды бірге жүзеге асыруда ресурстарды пайдалануға дайын екендігі қуантады», - деді қала әкімі Бақытжан Сағынтаев.

Кездесуге «СК «Сентрас Иншуранс» АҚ директорлар кеңесінің төрағасы Елдар Әбдіразақов, «Қазақстан Халық банкі» АҚ басқарма төрайымы Үміт Шаяхметова, «AB Restaurants» ЖШС басқарушы директоры Асқар Байтасов, «Tanmedia Group» директорлар кеңесінің төрағасы Арманжан Байтасов, «Ernst&Young» Қазақстан және Орта Азия бойынша басқарушы серіктесі Ерлан Досымбеков, «Lancaster Group» директорлар кеңесінің төрағасы және акционері Берік Қаниев, «Ракурс» ЖШС серіктесі Досым Қыдырбаев, «RG Brands» АҚ директорлар кеңесінің төрағасы Қайрат Мәжібаев қатысты.

Отырыста Іскерлік кеңестің 2020 жылғы жұмыс жоспары талқыланды.

Loading...
Жанар Муканова -  четверг, 13 мая в 11:05
Уроки казанского расстрела для Казахстана
Томирис Жусупбекова -  понедельник, 10 мая в 10:44
Ни к селу ни к городу
Жанар Муканова -  вторник, 4 мая в 11:53
Бессвязная связь, или Кто виноват?
По теме: